Wọ́n ti dá òṣèré Nàìjíríà, Olanrewaju Omiyinka, tí gbogbo ènìyàn mọ̀ sí Baba Ijesha, sílẹ̀ látinú ẹ̀wọ̀n lẹ́yìn tó lo ọdún mẹ́ta gbáko nínú túbú lórí ẹ̀sùn ìfipábánilòpọ̀ tí wọ́n fi kàn án.

Òṣèré náà gba òmìnira rẹ̀ ní Ọjọ́ Ẹtì, Ọjọ́ Kẹrìnlá Oṣù Kọkànlá, Ọdún 2025 lẹ́yìn tí Ilé Ẹjọ́ Kòtẹ́milọ́rùn (Appeal Court) ti wẹ òun mọ́.

 

View this post on Instagram

 

A post shared by Yomi Fabiyi (@realyomifabiyi)

Bí òṣèré Yomi Fabiyi ṣe ń kéde ìdásílẹ̀ Baba Ijesha, ó lọ sí ojú òpó Instagram ó sì kọ ọ́ pé:

“O ti di òmìnira pátápátá báyìí, o sì ti jáde. Baba Ijesha kò wulẹ̀ padà bọ̀ nìkan ṣùgbọ́n ó ti dára sí i.

“Inú mi dùn pẹ̀lú pé Ilé Ẹjọ́ Kòtẹ́milọ́rùn ti wẹ ọ́ mọ́ nípa wíwá ìbálòpọ̀ tàbí bíbà ọmọdé/àgbà tìírú kan jẹ́ rí. Ìtàn ọmọ ọdún 7 náà jẹ́ ètàn. A ń gbé nínú ayé burúkú, níbi tí ìmọ̀lára àti ìwà ìkà ti ga ju ìṣàkóso òfin àti òtítọ́ lọ.”

Wọ́n ti dá Baba Ijesha lẹ́bi ẹ̀wọ̀n ọdún mẹ́rìndínlógún (16) ní Oṣù Keje Ọjọ́ Kẹrìnlá, Ọdún 2022, látọwọ́ Ilé Ẹjọ́ Gíga ti Ìpínlẹ̀ Èkó fún ìbálòpọ̀ pẹ̀lú ọmọbìnrin ọmọ ọdún mẹ́rìnlá kan. (14).