Gómìnà Ìpínlẹ̀ Èkìtì, Biodun Oyebanji, ti jáde gẹ́gẹ́ bí ẹni tí yóò gbé àsíá ẹgbẹ́ All Progressives Congress (APC) fún ìdìbò gómìnà ọdún 2026.

Àwọn ọmọ ẹgbẹ́ náà láti ìpele ìpínlẹ̀ àti ti ìjọba àpapọ̀ ti fọwọ́ sí Oyebanji tẹ́lẹ̀ láti tún dìbò padà wọlé, àní kí ó tó di pé ìdìbò ìbẹ̀rẹ̀ ti ẹgbẹ́ náà wáyé.

Ilé-iṣẹ́ agbéròyìn TVC ti ròyìn tẹ́lẹ̀ pé, gbogbo nǹkan ti wà ní ìmúrasílẹ̀ fún Ìpàdé Pàtàkì fún Yíyàn Olùdíje (Special Nomination Congress) ti ẹgbẹ́ APC ní Ìpínlẹ̀ Èkìtì, níbi tí wọ́n ti retí pé yóò jẹ́ àkójọ́pọ̀ fún fífi Gómìnà Biodun Oyebanji múlẹ̀ gẹ́gẹ́ bí ẹni tí yóò gbé àsíá ẹgbẹ́ náà.

Ìṣẹ̀lẹ̀ náà, tí yóò wáyé ní Ekiti Parapo Pavilion ní Ado Èkìtì, jẹ́ ìgbésẹ̀ pàtàkì nínú ìmúrasílẹ̀ ẹgbẹ́ APC fún ìdìbò gómìnà ọdún 2026 ní ìpínlẹ̀ náà.

Wọ́n retí pé àpapọ̀ àwọn aṣojú 885 láti gbogbo àwọn agbègbè ìjọba ìbílẹ̀ mẹ́rìnlá (16) ti ìpínlẹ̀ náà ni yóò kópa nínú Ìpàdé Àpapọ̀ náà (Congress).