Nottingham Forest farapara lọ́wọ́ West Ham United pẹ̀lú ìfàsẹ́yìn àkọ́kọ́ wọn nínú ìgbà Premier League lónìí, o sì fi góòlù mẹ́ta (3) sí òdo lù wọ́n ní ilé wọn ní Trentside ní àkókò tí kò dára.

Ní ìpele kẹta ìdíje náà, Forest ṣe apa ga-n-ga si West Ham títí di àkókò kẹrinlélọ́gọ́rin (84th), wọ́n sì ti jo wakoo gidigidi.

Àwọn Reds lọ sínú ìdíje náà pẹ̀lú ìgboyà láti dúró lórí ìbẹ̀rẹ̀ tí a kò tíì ṣẹ́gun rí nínú ìgbà Premier League yìí. Ó gba àwọn ìgbà díẹ̀ kí wọ́n tó gbìyànjú láti tọ́ka sí àwọn Hammers láàárín ìbẹ̀rẹ̀ ìdíje náà tí kò gbóná.

Àwọn ànfàní kò pọ̀ rárá ní ìparí gbogbo ìpele pápá ní ìlàjì àkọ́kọ́. Forest dà bí ẹni tí ó dára jù lọ nígbà tí wọ́n fi ìgbìyànjú hàn, ṣùgbọ́n wọ́n kún fún wàhálà láti ṣẹ̀dá àwọn àyè díẹ̀ ṣáájú ìgbàsẹ̀lẹ̀ àríyànjiyàn.

Àwọn àlejò ló sún mọ́ fífi àmì ayò àkọ́kọ́ wọlé ṣáájú ìdá gbọ́ọ́nkan ìlàjì àkókò. Matz Sels gbà àwọn Reds là nígbà tí ó fi ọwọ́ kan ìyàlẹ́nu ọlọ́jẹ̀ Paqueta lórí góòlù ní ìṣẹ́jú àyá 39 (39).

Ìdíje náà yé wọ́n sí i díẹ̀ nínú ìlàjì kejì. Chris Wood fi ìyàjẹ mú Sels láti gbà á là pẹ̀lú góòlù orí tí kò ní ìgbèjà lórí rẹ̀, nígbà tí Sels dènà Niclas Fullkrug àti Callum Wilson ní ìparí kejì.

Ó dà bí ẹni pé Sels ti ṣe tó láti rí i dájú pé Forest yóò gba nǹkan kan làti inú ìdíje náà ṣùgbọ́n wọ́n ṣẹ́gun rẹ̀ lẹ́ẹ̀mejì nínú ìṣẹ́jú àyá mẹ́wàá (10) ìkẹyìn. Jarrod Bowen gba góòlù àkọ́kọ́ wọlé pẹ̀lú ìṣẹ́jú mẹ́fà (6) sí ìparí, lẹ́yìn náà Paqueta yí ìdálẹ́bi padà sí góòlù lẹ́yìn ìṣẹ́jú méjì (2) nígbà tí a fìyàjẹ Ibrahim Sangare fún ìwà-fàjì lórí Crysencio Summerville.

Wilson tún fi omi iyọ̀ sí ọgbẹ́ àwọn Reds nípa fífi góòlù ìkẹ́yìn wọlé ní àkókò àfikún.

West Ham yípadà láti sọ fún wọn pé, àwọn kò wá ṣeré rárá lónìí, wọ́n sì fi àmì ayò mẹ́ta (3) gba tiwọn láàárín ìṣẹ́jú mẹ́fà (6) kí ìdíje náà tó parí.

Bowen, Lucas Paqueta, àti Callum Wilson ló gba àmì ayò kọ̀ọ̀kan wọlé fún West Ham lónìí, wọ́n sì rí ìṣẹ́gun àkọ́kọ́ wọn ní ìgbà tuntun yìí lẹ́yìn tí wọ́n jẹ góòlù márùn-ún (5) lọ́wọ́ Chelsea àti mẹ́ta (3) nínú ìdíje tí ó ṣáájú.

Wọ́n gba ìṣẹ́gun gan-an lónìí, èyí tí ó gbé wọn kúrò ní ipò tí wọ́n wà lọ sí òkè lórí tábìlì ìdíje náà.