Ní àwọn ìròyìn tuntun yìí, Ààrẹ Tinubu ti fún àwọn agbábọ́ọ̀lù Super Falcons ní ẹ̀bùn ẹgbẹ̀rún lọ́nà ọgọ́rùn-ún dọ́là (ọgọrun kan ati aadọta miliọnu) fún ẹnìkọ̀ọ̀kan wọn àti ilé oníyàrá mẹ́ta fún gbígba Ife Agbábọ́ọ̀lù Obìnrin ti Áfíríkà (WAFCON) tí wọ́n ṣẹ̀ṣẹ̀ parí.

 

Èyí wáyé lẹ́yìn ìwọ́de tí àwọn ọlọ́pàá kan tí ó ti fẹ̀yìn tì ṣe ní Abújà ní ìbẹ̀rẹ̀ oṣù yìí, èyí tí Omoyele Sowore, ọ̀kan lára àwọn olùdíje ààrẹ ní ìdìbò ààrẹ ọdún 2023, darí, lórí gbígba owó kékeré gẹ́gẹ́ bí owó ìfẹ̀yìntì lẹ́hìn iṣẹ́ ìsìn.

Èyí ti fa kùsọ̀kùsọ lórí àwọn ojú ìwé ìkànnì àjọlò láti ọ̀dọ̀ àwọn ará ìlú, tí wọ́n ń sọ pé kò tọ́ fún àwọn ènìyàn kan tí ó ti ṣiṣẹ́ sìn orílẹ̀-èdè fún ọ̀pọ̀lọpọ̀ ọdún láti gbà tó mílíọ̀nù marun-un náírà, síbẹ̀síbẹ̀ wọ́n fún àwọn kan ní nǹkan bí ọ̀gorun ole aadota mílíọ̀nù náírà fún gbígba àmì ẹ̀yẹ.

Omoyele Sowore, olùdíje ààrẹ ọdún 2023, sọ̀rọ̀ lórí ọ̀rọ̀ yìí. Ó sọ pé: “Ìgbésí ayé kò tọ́ sí àwọn ọlọ́pàá Nàìjíríà @policeng! Super Falcons gba WAFCON, wọ́n ṣe ìdálẹ́kọ̀ọ́ fún ọdún kan, wọ́n gbá bọ́ọ̀lù fún oṣù kan, wọ́n sì gbà $100,000 (N150 mílíọ̀nù) ọkọ̀ọ̀kan àti ilé!

Ó fi kún un pé: “Àwọn ọlọ́pàá dáàbò bò wọ́n fún àwọn ọ̀ọ̀dún, wọ́n ṣiṣẹ́ fún ọdún marndinlogoji, wọ́n fẹ̀yìn tì pẹ̀lú $1,500 (N2 mílíọ̀nù gẹ́gẹ́ bí owó ìfẹ̀yìntì), kò sí ilé, kò sí ìtọ́jú ìlera, àti owó ìfẹ̀yìntì kékeré!

“Ààrẹ tàbí Gómìnà tí ó fún wọn ní ẹ̀bùn náà gba $1 Bílíọ̀nù nínú owó ìfẹ̀yìntì, owó ìfẹ̀yìntì gbogbo ìgbésí ayé, ilé káàkiri ibi gbogbo, ìtọ́jú ìlera kíkún! #PoliceProtest” Sowore fikun

Èyí mú kí àwọn ènìyàn sọ̀rọ̀ lórí ọ̀rọ̀ yìí, gẹ́gẹ́ bí ọ̀kan lára wọn, @Kennyroger_s, ti sọ pé: “Àwọn ọlọ́pàá Nàìjíríà kan rò pé àwọn ará ìlú ni ìṣòro wọn, ṣùgbọ́n ìṣòro wọn to tóbi jù lọ ni ìjọba.”

Bákan náà, @neefenawti kọ̀wé pé: “Mo fẹ́ràn èyí. Mo bọ̀wọ̀ fún ọlọ́pàá. Sibẹsibẹ, èyí yẹ kí ó jẹ́ ìkéde sí àwọn ọlọ́pàá wọ̀nyí pé kí wọ́n mọ̀ pé, ṣáájú ohunkóhun, àwọn jẹ́ ọmọ Nàìjíríà. Nígbà tí àwọn òṣèlú bá gba wọ́n láti ṣe ohun kan tí ó lòdì sí òfin Nàìjíríà, ó yẹ kí wọ́n kọ̀. Àwọn òṣèlú wọ̀nyí kò bìkítà nípa wọn.”

Life is brutally unfair to Nigeria Police Force @policeng officers!
Super Falcons won WAFCON, trained for 1 year, played for 1 month, were rewarded with $100,000 (N150million) each and houses!

Police officers protected them for decades, worked 35 years, retired with $1,500… pic.twitter.com/1wXCvZhjse

— Omoyele Sowore (@YeleSowore) July 29, 2025

Gómìnà Ìpínlẹ̀ Imo àti Ẹ̀yà

Nínú ìròyìn tuntun yìí, wọ́n fi ẹ̀sùn kan Gómìnà Ìpínlẹ̀ Imo, Hope Uzodinma, pé ó ti gbà àwọn ọmọ ẹgbẹ́ Super Falcons méje tí wọ́n jẹ́ ọmọ ìbílẹ̀ Ìpínlẹ̀ Imo gbàlejò, tí ó sì fi àwọn ọmọ ẹgbẹ́ yòókù sílẹ̀.

Àwọn ènìyàn kan so èyí mọ́ pé ó jẹ́ ẹ̀yà-ẹ̀yà àti ìgbésẹ̀ tó bani nínú jẹ́ láti ọ̀dọ̀ gómìnà náà o le wo fídíò náà níbí – Fidio