Christopher Nkunku ti fi Chelsea sílẹ̀ ó sì parí gbigbe rẹ̀ sí ẹgbẹ́  agbaboolu AC Milan ti Sẹ́ríà A.

Ọmọ orílẹ̀-èdè Faransé náà darapọ̀ mọ́ àwọn Blues ní Oṣù Kẹfà ọdún 2023 láti RB Leipzig, ṣùgbọ́n ìpalára kò jẹ́ kó fi bọ́ọ̀lù gba àyè ju ìgbà 14 (14) àti góòlù mẹ́ta (3) nínú ìgbà àkọ́kọ́ rẹ̀.

Chrsitopher Nkuku – GettyImages

Nínú ìgbà kejì Nkunku ní Stamford Bridge, ó fi ara hàn ní ìgbà 48 (48) nínú gbogbo ìdíje, ó sì fi bọ́ọ̀lù wọ àwọ̀n ní ìgbà 15 (15).

Góòlù márùn-ún (5) nínú àwọn góòlù wọ̀nyẹn wáyé nígbà ìdíje Conference League wa, tí ó parí pẹ̀lú gbígbé ife náà lárugẹ ní Wroclaw. Góòlù ìkẹyìn tí ọmọ ọdún 27 (27) náà gbá fún Chelsea jẹ́ góòlù pàtàkì kan lòdì sí Benfica ní ìpele 16 ti Ìdíje Àgbáyé Àwọn Kìlọọ́bù.

Lápapọ̀, Nkunku gbá góòlù 18 (18) nínú ìfarahàn 62 (62) fún àwọn Blues.

Chrsitopher Nkuku – GettyImages

“A dúpẹ́ lọ́wọ́ Christo fún àwọn ìgbìyànjú rẹ̀ lákòókò tí ó wà ní ẹgbẹ́ wa, a sì fẹ́ kí ó dára fún un bí ó ti ń bẹ̀rẹ̀ orí tuntun nínú iṣẹ́ rẹ̀,” ni Chelsea FC kọ̀wé.