Ilé-iṣẹ́ Ìṣirò Àpapọ̀ Orílẹ̀-èdè (NBS) sọ pé àpapọ̀ ìṣàsì àjẹkù owó Nàìjíríà dín kù sí 21.88% ní oṣù Keje ọdún 2025, láti 22.22% ní oṣù Kẹfà.

Àkọsílẹ̀ náà, tí ó wà nínú ìwé ìròyìn Consumer Price Index (CPI) tí ilé-iṣẹ́ náà gbé jáde ni ọjọ́bọ̀, fi àṣírí ìdínkù ìṣàsì owó kẹrin tí wọ́n se ní ọdún yìí.

Gẹ́gẹ́ bí NBS se sọ, ìgbésẹ̀ ìṣàsì owó Keje fi “ìdínkù 0.34% hàn ní ìfiwéra pẹ̀lú àpapọ̀ ìṣàsì owó Kẹfà 2025.”

Ìwé ìròyìn náà sọ pé: “Ní ìfiwéra ọdún sí ọdún, àpapọ̀ ìṣàsì owó jẹ́ 11.52% dín kù ju iye tí wọ́n kọ sílẹ̀ ni oṣù Keje 2024 (33.40%).”

Bákan náà, ilé-iṣẹ́ àkọsílẹ̀ náà sọ pé, ní ìfiwéra oṣù sí oṣù, ìdàgbàsókè owó yára si ní oṣù Keje ju ti oṣù Kẹfà lọ.

NBS sọ pé: “Ní ìfiwéra oṣù sí oṣù, àpapọ̀ ìṣàsì owó ní oṣù Keje 2025 jẹ́ 1.99%, èyí tí ó jẹ́ 0.31% púpọ̀ si ju iye tí wọ́n kọ sílẹ̀ ni oṣù Kẹfà 2025 (1.68%).”

Wọ́n tún fi kún un pé: “Èyí túmọ̀ sí pé ni oṣù Keje 2025, ìṣàsì owó àpapọ̀ pọ̀ si ju ìṣàsì owó àpapọ̀ ni oṣù Kẹfà 2025 lọ.”

NBS sọ pé owó oúnjẹ ati àwọn ohun mímu tí kò ní ọtí, ilé oúnjẹ ati àwọn ibi ìgbéléjò, ati ètò ìrìnnà ni ó se àfikún tótóbi jù lọ sí CPI nínú oṣù tí wọ́n se àyẹ̀wò.