Ẹgbẹ́ agbábọ́ọ̀lù Chelsea bori West Ham tí wọn kò wà ní ipò tó dára rárá pẹ̀lú àmì àyò 5-1, bí ìṣòro sì ti ń pọ̀ si lórí olùkọ́ Hammers, Graham Potter.

Bó tilẹ̀ jẹ́ pé kò sí ìràwọ̀ agbábọ́ọ̀lù wọn Cole Palmer nínú àwọn agbábọ́ọ̀lù àkọ́kọ́ lónìí, wọ́n jùwé ilé bàbá Westham fún.

Àwọn olólùfẹ́ Hammers tí wọ́n dúró títí di ìparí ìdíje ń fìyà jẹ wọ́n nípa yíyẹ àyò wọn, bí ìbínú wọn sì ti ń lọ sí ọ̀dọ̀ ìgbìmọ̀ ìdarí.

Lucas Paqueta kọ́kọ́ gba àmi àyò àkọ́kọ́ wọlé fún West Ham pẹ̀lú ìfìdíbàjẹ́ líle láti ọ̀nà jínjìn, ṣùgbọ́n ó rọrùn fún Chelsea láti fa ìdààmú, nígbà tí West Ham kò lè dáàbò bo ibi àyò wọn sí òṣùwọ̀n tí ó yẹ.

Joao Pedro fi orí gba àmi àyò tí ó jẹ́ kí wọ́n dọ́gba fún Chelsea kí Pedro Neto àti Enzo Fernandez tó gba àmi àyò wọlé láti ibi tí ó súnmọ́ láti fi àwọn ará ìwọ̀-oòrùn London sí ipò àyò 3-1 ní àárín ìdíje.

Lẹ́yìn náà, Chelsea tún gba àmi àyò méjì wọlé láti igun àyò ní ìbẹ̀rẹ̀ ìdajì ìdíje kejì, bí gbàsìn tuntun West Ham, Mads Hermansen ti ní ìbẹ̀rẹ̀ ìdíje ilé tí kò gbaléyà, ó lu àgbélébùú sí Moises Caicedo tó gbà á wọlé, kí Trevoh Chalobah tó tún gba àmi àyò mìíràn wọlé látinú àyò míràn lẹ́yìn ìṣẹ́jú díẹ̀.

Enzo Fernandez

Àwọn olólùfẹ́ Chelsea fi ọgbọ́n kọrin pé “Graham Potter kan ṣoṣo ni ó wà” sí olùkọ́ àtijọ́ wọn, tí ó ti borí nínú ìdíje Premier League mẹ́ẹ̀ẹ́dógún péré nínú ìdíje 20 rẹ̀ láti ìgbà tí ó ti gba West Ham ní Oṣù Kíní.

Lẹ́yìn tí wọ́n pàdánù ìdíje 3-0 ní Sunderland ní òpin ọ̀sẹ̀ tó kọjá, ẹgbẹ́ Potter ti jẹ àmi àyò mẹ́jọ nínú àkókò ìdíje yìí, èyí tó pọ̀ jù lọ fún ẹgbẹ́ West Ham láti jẹ nínú àwọn ìdíje méjì àkọ́kọ́ wọn ní àkókò ìdíje àkọ́kọ́.