Ìdájọ́ kan tí Ọ̀gbẹ́ni Ekerete Akpan ti ilé ẹjọ́ gíga ti ìjọba àpapọ̀, ní ìlú Abuja, fi lélẹ̀ ti mú kí wọ́n da àwọn ará ìlú Mọkànlélógún láti òkè-òkun lẹ́bi nípa ọ̀ràn ìwà ọ̀daràn orí ẹ̀rọ ayélujára, wọ́n sì gba wọ́n ní ìjìyà ₦1m kọ̀ọ̀kan.

Nínú ìdájọ́ tí ó fúnni nípa ìfẹnukonu tí ó wáyé láàárín àwọn tí wọ́n ti dá lẹ́bi àti àwọn ọlọ́pàá ìlú Nàìjíríà, Ọ̀gbẹ́ni Akpan pa láṣẹ pé kí wọ́n kúrò ní orílẹ̀-èdè Nàìjíríà ní kété láàárín ọjọ́ iṣẹ́ mẹ́fà.

Ọ̀gbẹ́ni Akpan tún sọ pé ìdájọ́ náà wá láti ara àwọn àdéhùn tí ó wà nínú ìfẹnukonu náà.

Adájọ́ náà sọ pé, “Lẹ́yìn tí àwọn tí a fi sùn ti ṣe ìfẹnukonu láìsí ìfipámu kankan, mo dá yín lẹ́bi gẹ́gẹ́ bí a ti fi sùn yín.

“Ìdájọ́ náà yóò dá lórí àdéhùn àwọn ẹgbẹ́ náà ti ₦1m kọ̀ọ̀kan, láti san, láti ara ẹnì kọ̀ọ̀kan tí a fi sùn, èyí tí wọ́n yóò san kí wọ́n tó dá wọn sílẹ̀. Wọ́n yóò kúrò ní orílẹ̀-èdè náà láàárín ọjọ́ iṣẹ́ mẹ́fà,” bẹ́ẹ̀ ni adájọ́ náà ṣe sọ.

Àwọn tí wọ́n ti dá lẹ́bi tí wọ́n jẹ́ 21 wà láàárín àwọn ará ìlú 109 láti òkè-òkun tí Olúṣọ́ Agbófinró Ọlọ́pàá ń fi sùn lórí àwọn ọ̀ràn ìwà ọ̀daràn orí ẹ̀rọ ayélujára, fífọ owó, àti àwọn ìṣe tí a kà sí pé ó jẹ́ ìhalẹ̀ sí ààbò orílẹ̀-èdè Nàìjíríà.

Àwọn ọlọ́pàá sọ pé àwọn tí a fi sùn náà ń ṣiṣẹ́ láti ilé tí ó wà ní ìkọ́kọ́ 1906, Agbègbè Cadastral 807, Katampe District, Abuja, níbi tí wọ́n ti ń ṣiṣẹ́ pátákò ìfẹ́-tè-tè onítànjẹ tí kò ní ìforúkọsílẹ̀.

Àwọn tí wọ́n ti dá lẹ́bi tí wọ́n jẹ́ 21 ni Yang Yang (33), Li Xiao Fen (41), Zheng Peng Zhan (28), Shu Huan (20), Jupanpan (25), Feng Guo (29), Zhao Yifan (31), Mahunan (26), Wang Yi Bo (24), Chen Yan Qi (26), àti Shi Hao Jie (28), gbogbo wọn ni Linda Ikpeazu dá dúró ní ilé ẹjọ́.

Àwọn mìíràn ni Xiejang Bing (29), Zheng Jian Feng, Zheng Peng Fei (32), Wei Tang (32), Wang Hao (27), Cheng Xing (30), Yang Xu Gung (27), Zhu Jiu Hui (28), Xhou Kia Lai (28), àti Tue Xue Fie (21, obinrin), tí Julius Mba dá dúró.

Wọ́n fi sùn wọn pẹ̀lú gbígbé wọ́n sínú àwọn ìwọlé àwọn kọ̀mpútà láìní ìwé-aṣẹ, àti gbígbé àwọn ìsọfúnni tí kò tótọ́ síbẹ̀, èyí tí ó jẹ́ ẹ̀ṣẹ̀ lábẹ́ ìpín 13 ti òfin ìwà ọ̀daràn orí ẹ̀rọ ayélujára.

Wọ́n tún fi sùn wọn pẹ̀lú fífọ owó tí ó wá láti àwọn pátákò tí kò bófin mu, tí ó jẹ́ àìbòfinmu sí ìpín 18 ti òfin fífọ owó (ìdènà àti ìfòfinmú), 2022.

Ìsùn ìgbẹ̀hìn fi sùn àwọn tí a fi sùn náà pẹ̀lú dídúró ju àkókò ìwé-aṣẹ ọjọ́ 30 wọn lọ— èyí tí ó jẹ́ ẹ̀ṣẹ̀ lábẹ́ ìpín 44 (1) (c) ti òfin ìṣílọ, 2015.

Wọ́n sun ọ̀ràn náà sí ọjọ́ 22 àti 23 oṣù Kẹwàá fún ìtẹ̀síwájú ìgbẹ́jọ́ àwọn tí ó kù tí wọ́n jẹ́ 88.

 

Orisun – ChannelsTV