Àjọ Tí Ń Rí Sí Ètò Ìdìbò (INEC) ti sọ pé ìforúkọsílẹ̀ Olùdìbò Títí Lọ (CVR) fún ọdún 2025 yóò bẹ̀rẹ̀ káàkiri orílẹ̀-èdè ní Oṣù Kẹjọ ọjọ́ kejidínlógún.

INEC kéde èyí lórí ojú ìwé X wọn lọ́jọ́ Ẹtì.

Àjọ náà sọ pé ìforúkọsílẹ̀ tẹ́lẹ̀ lórí ìkànnì ayélujára yóò bẹ̀rẹ̀ ní Oṣù Kẹjọ ọjọ́ kẹtàdínlógún nípasẹ̀ ojú ìwé ìkànnì àjọ náà, cvr.inecnigeria.org.

Ó sọ pé ìforúkọsílẹ̀ nípa gbígbé ara ẹni lọ sí àwọn ibùdó yóò bẹ̀rẹ̀ ní ọ̀sẹ̀ kan lẹ́yìn náà, ní Oṣù Kẹjọ ọjọ́ karùndínlọ́gbọ̀n.

Èyí, ó sọ, ni yóò wáyé káàkiri orílẹ̀-èdè ní gbogbo àwọn ọ́fíìsì ìjọba ìbílẹ̀ àti àwọn ibùdó ìforúkọsílẹ̀ tí wọ́n ti yàn.

INEC sọ pé a óò ṣe ìgbésẹ̀ náà láti ọjọ́ Àṣẹ́kù sí ọjọ́ Ẹtì, ó máa bẹ̀rẹ̀ ní aago mẹ́sàn-án àárọ̀ yóò sì parí ní aago mẹ́ta ìrọ̀lẹ́.

Ó sọ pé: “Ìdìbò rẹ bẹ̀rẹ̀ pẹ̀lú ìforúkọsílẹ̀. Má ṣe fi àǹfààní rẹ sílẹ̀ láti forúkọ sílẹ̀.”