Lamine Yamal yóò wọ ẹ̀wù nọ́mbà 10 tí ó jẹ́ àmì Barcelona ní àsìkò tó ń bọ̀, nọ́mbà kan náà tí Diego Maradona, Ronaldinho àti Lionel Messi wọ fún ẹgbẹ́ agbábọ́ọ̀lù Catalan náà.

Yamal sọ ní Ọjọ́rú níbi ìkéde ẹgbẹ́ náà pé: “N óò gbìyànjú láti kọ́ ipa-ọ̀nà ti èmi fúnra mi, ṣùgbọ́n gbogbo àwọn ọmọdé ni yóò fẹ́ jẹ́ bíi wọn. Gbogbo awon mẹ́ta náà ti jẹ́ agbábọ́ọ̀lù àgbàyanu, wọ́n jẹ́ òǹtẹ̀ ìtàn, n óò sì gbìyànjú láti tẹ̀lé àwọn ìgbésẹ̀ wọn.”

Lamine Yamal ni barcelona to di aso re tuntun mu, (AP Photos/Joan Monfort)

Ní bí Yamal ti pé ọmọ ọdún 18, ó lè fọwọ́sí ìwé àdéhùn tí ó ti gbà pẹ̀lú Barcelona ní Oṣù Karùn-ún, èyí sì mú un dúró síbẹ̀ títí di ọdún 2031.

Afojúsùn mi ni láti máa ṣẹ́gun kí n sì máa dàgbà sí i,”  Yamal sọ. “Èyí ni ilé-ìdárayá ìgbésí ayé mi. Ilé mi ni, mo ti wà níbí láti ìgbà tí mo ti wà ní ọmọ ọdún méje.

Yamal wọ ẹ̀wù nọ́mbà 19 ní àsìkò tó kọjá. Nọ́mbà 10 wà pẹ̀lú Ansu Fati láìpẹ́ yìí, ẹni tí yóò ṣeré ní gbígbà yá pẹ̀lú Monaco.

Yamal, pẹ̀lú ẹbí rẹ̀, gba aso nọ́mbà 10 láti ọwọ́ ààrẹ ẹgbẹ́ náà, Joan Laporta.

Ìkéde yìí wáyé lẹ́yìn tí wọ́n ti yẹ Yamal lẹ́nu fún fífi ẹ̀sùn kan pé ó gbà àwọn ènìyàn tí ó ní àbùkù ìtóbi kékeré (dwarfism) síṣẹ́ gẹ́gẹ́ bí àwọn ayẹyẹ níbi ayẹyẹ ọjọ́ ìbí rẹ̀ ọmọ ọdún méjìdinlogun tí ó ṣe lọ́sẹ̀ tó kọjá

Yamal sá fún àríyànjiyàn náà ní ọjọ́ Àbámẹ́ta.